Trajneri i Fenerbahçes, Jose Mourinho, ka kritikuar publikisht lojtarin e tij, Allan Saint-Maximin, duke e quajtur atë “dembel dhe të shëndoshë”.
Saint-Maximin, i cili është i huazuar nga Al Ahli i Arabisë Saudite, u la jashtë skuadrës për ndeshjen e dytë kthyese të Ligës së Evropës kundër Rangers dhe ka humbur pesë ndeshjet e fundit të klubit në ligë.
Por lojtari nuk është dorëzuar dhe dërgoi një mesazh nga mediat sociale për të shprehur zhgënjimin e tij.
"Kur një gënjeshtër merr ashensorin, e vërteta i merr shkallët. Duhet më shumë kohë, por në fund arrin aty", ka shkruar francezi.
Mourinho iu përgjigj Saint-Maximin në stilin e tij, duke thënë se nuk e dinte që ishte poet.
"Unë nuk e dija që Saint-Maximin ishte i talentuar në poezi. As unë nuk jam i keq në këtë. Kur një futbollist punon mirë, stërvitet fort çdo ditë, ai mund të jetë në formë të mirë dhe të ngjisë shkallët. Ai nuk ka nevojë për ashensor. Përkundrazi, nëse një lojtar nuk stërvitet mirë, është vonë, është mbipeshë dhe nuk është gati për ndeshjen, atëherë ai do të jetë i gatshëm për ndeshjen", deklaroi ai.
Saint-Maximin më pas postoi foto në Instagram duke treguar se pesha e tij ka mbetur e njëjtë që nga viti 2022, duke shtuar: "Gënjeshtra ju jep lule, por ato nuk japin fryt".
Mourinho mori drejtimin e Fenerbahces në qershor të vitit të kaluar dhe skuadra e tij u mund 3-1 në shtëpi kundër Rangers në ndeshjen e parë të raundit të 16-të të Ligës së Evropës.
Ndeshja e kthimit është caktuar për sonte në Glasgou në orën 21:00. /Telegrafi/
