Bordi i Manchester United është duke qëndruar pranë menaxherit Jose Mourinho - pavarësisht humbjes të së dielës në Brighton.
The Guardian shkruan sot se portugezi ka mbështetjen e plotë të hierarkisë së klubit pas disfatës së mjerë 3-2 kundër Brighton & Hove Albion.
Mourinho ende nuk i ka në dispozicion të gjithë lojtarët për shkak të lëndimeve dhe pushimeve pas Botërorit, ku mungojnë Alexis Sanchez, Nemanja Matic dhe Antonio Valencia.
Man Utd (Getty Images)
Në turneun e para sezonit portugezi vuri në dukje se dy ndeshjet e hapëse të kampionatit do të jenë problematike shkaku i numrit të madh të lojtarëve që nuk i ka në dispozicion pas Rusia 2018.
Loja e ardhshme e Unitedit është në shtëpi kundër Tottenham Hotspur, kështu që Mourinho do të ketë para vete më shumë se një javë për t'u përgatitur rreth ndeshjes, e cila mund ta fus nën presion nëse nuk regjistron fitore.
United theksojmë se takimin e parë e ka fituar ndërsa pas humbjes gjatë ditës së djeshme, pozicionohet në vendin e dhjetë të renditjes tabelore me tre pikë.
Ndryshe, Djajtë e Kuq nuk kanë bërë shumë përforcime gjatë verës, ku kanë sjell vetëm Fredin prej Shakhtar Donestk. /Telegrafi/
