Jose Mourinho ka rritur presionin ndaj Antonio Contes, duke këmbëngulur se Interi duhet të fitojë Scudetton këtë sezon.
Mourinho e udhëhoqi Interin në Serie A deri në vitin 2010, por ai u përfshi në një rivalitet me Conten kur ata ishin në krye të Manchester Unitedit dhe Chelseat.
Tani Conte është trajneri i ish-skuadrës së tij, me të cilën Mourinho e fitoi Ligën e Kampionëve dhe tani portugezi mendon se Interi duhet ta fitojë titullin këtë sezon.
"Nerazzurrët duhet të fitojnë titullin e Serie A këtë sezon. Jam i sigurt për këtë", ka thënë fillimisht Mourinho për Gazzetta dello Sport.
Më pas, portugezi u pyet për lëvizjen e tij të ardhshme në karrierë, pasi ka mbetur pa punë që nga largimi i Unitedit në dhjetorin e kaluar.
"Tani po studioj gjermanisht sepse është gjuha e vetme që më mungon. Unë flas anglisht, spanjisht, portugalisht, frëngjisht dhe italisht".
"Pastaj, natyrisht, unë nuk do të përjashtoj asgjë, madje as Gjermania", përfundoi Special One. /Telegrafi/
