Mourinho dëshiron Dembelen, skuadrat hapin bisedimet

Trajneri i Manchester Unitedit, Jose Mourinho po lëviz për një afrim të sulmuesin të Celticut, Moussa Dembele.

Dembele po kalon në një formë të lartë që nga transferimi i tij të gjiganti skocez dhe që nga ajo kohë ka tërhequr interesim të madh të skuadrave evropiane.

Sipas gazetës franceze L’Equipe, trajneri i Djajve të Kuq, portugezi Mourinho ka filluar negociatat për transferimin e Dembeles.

Lexo po ashtu Milani mendon për Dembelen

Sulmuesi i ri francez – i cili e bëri emër me Fulhamin – po monitorohet nga të gjitha klubet më të mëdha të Ligës së Kampionëve dhe Unitedi tanimë kanë bërë një lëvizje për të.

21-vjeçari ishte i vendosur për të kaluar në Chelsea verën e kaluar, por një transferim i ditës së fundit dështoi dhe ai qëndroi në Skoci me skuadrën e trajnerit Brendan Rodgers.

Mediumi francez thekson se pavarësisht se Unitedi ka shumë sulmues në skuadër si Romelu Lukaku, Marcus Rashford, Anthony Martial dhe Zlatan Ibrahimovic, Dembele është një shënjestër reale.

Lexo po ashtu Wenger gjen zëvendësuesin e Sanchezit

Ndryshe, në sezonin e kaluar, Dembele shënoi 32 gola në 48 ndeshje duke treguar formë të lartë dhe të vazhdueshme.

Forma e tij bëri që të kërkohet edhe nga skuadra tjera të mëdha si Arsenali, Chelsea dhe gjiganti italian, Milani. /Telegrafi/