Mos lejoni që lëkura të bëhet e thatë dhe e vrazhdë: Ky përbërës është kryesori për kurën e lëkurës në periudhën e dimrit!

Qoftë që lëkurën të thatë e keni vetëm dimrit apo ajo është e dehidratuar gjatë gjithë vitit, do të duhej të përdorni produktet kozmetike me përbërës të fortë hidratimi

Krahas thartirës hialuronike, është jashtëzakonisht e rëndësishme edhe glicerina, transmeton Telegrafi.

Ajo është hidratuese e cila ndihmon në ruajtjen e lagështisë dhe nxjerr ujin nga shtresat e thella të lëkurës në drejtim të sipërfaqes.

Pos kësaj, glicerina tërheq lagështinë nga ajri në shtresën e sipërme të lëkurës dhe e mban aty.

Glicerina është nënprodukt i ujit dhe yndyrës. Ndërsa kjo nuk mund të tingëllojë tërheqëse, në të vërtetë ka shumë përfitime për bukurinë dhe shëndetin.

Glicerina është një ndër disa përbërës të hidratimit, të cilët kanë efekt afatgjatë (tejkalon kohën e aplikimit dhe thithjes).

Ajo ndihmon në përmirësimin e funksionit të akuaporinave në lëkurë, duke shtuar lagështinë e indeve.

Akuaporinat janë proteina të cilat ndihmojnë në mirëmbajtjen e qarkullimit të substancave themelore hidratuese (si p.sh. uji) deri te shtresat e jashtme të lëkurës.

Glicerina mund t’ju ndihmojë në situata të papritura, e do t’jua kursejë kohën dhe të hollat. /Telegrafi/