Prej disa kohësh në shtypin rozë ka bërë bujë bashkëpunimi i artistëve të njohur shqiptarë, Morena Taraku dhe Stresi.
Dyshja, të cilët kanë edhe një duet së bashku, kanë filluar xhirimet e klipit të ri rreth një muaj më parë në Tiranë.
Megjithatë, duket se kjo tashmë është finalizuar dhe se projekti i plotë do të publikohet nesër.
Lajmi është njoftuar përmes rrjeteve sociale, teksa një kopertinë të kësaj kënge e ka ndarë bukuroshja nga Peja në Instagramin e saj.
“Nesër, 20:00 / Bad Girl”, ka shkruar ajo.
Ndërkohë, kënga mezi po pritet edhe nga fansat e artistëve të cilët mezi po presin për këtë.
“Ki me bo” përndryshe është bashkëpunimi i parë i Morenës dhe Stresit, i lansuar në vitin 2015.
Asokohe ishte cilësuar si një hit, i cili tani numëron mbi tetë milionë shikime në YouTube. /Telegrafi/
