Moratti thumbon Thohirin

Massimo Moratti nuk është më pronar i Interit, por mbetet një personazh shumë i rëndësishëm në internistët, jo thjesht si tifoz, por edhe sepse ka ende një përqindje të aksioneve të klubit.

Për këtë arsye, kanë bërë bujë fjalët e tij ditën e sotme, sepse ish-presidenti i paharruar i Interit ka “shigjetuar” presidentin aktual Erick Thohir.

“Me Tohirin kemi vizion të ngjashëm, edhe pse shpresoja që të investonte më shumë, por nuk është e lehtë me rregullat e reja. Pastaj problemi nuk është sa shpenzon, por kë blen, plus që duhet edhe pak fat”.

Vendi i katërt për Morattin nuk është keq. “Është një pozicion i mirë, që pak a shumë e mendonim që në fillim të kampionatit, edhe pse faza e parë e shkëlqyer na bëri të mendojmë se mund të shkonim shumë më lart”.

Bisedimet me grupin Suning për shitjen e klubit vazhdojnë: “Njerëzit mendojnë se gjëra të tilla mbyllen për dy ditë, por në realitet është një negocim që kërkon kohën e vet, duhet durim”.

“Mancini ka dyshime? Është një çështje mes tij dhe presidencës, por besoj se do të qëndrojë. Simeone? Do ishte bukur sikur të kthehej, por ne e kemi trajnerin dhe Simeone ka një skuadër fantastike”, ka thënë Mancini.