Momente emocionale para ndeshjeve të NBA: Nga mbajtja 24-sekondshëshe e topit deri te heshtja, gjithçka për nder të Kobe Bryant

Ndeshja e basketbollit ndërmjet San Antonio Spurs dhe Toronto Raptors filloi me një mbajtje 24 sekondëshe të topit, për ta nderuar legjendën e basketbollit, Kobe Bryant.

Ikona e NBA e humbi jetën në një aksident me helikopter të dielën në Calabasas në afërsi të Los Angelesit, së bashku me katër persona të tjerë, në mesin e të cilëve ishte edhe vajza e tij 13 vjeçare, Gianna.

Lajmi për vdekjen e tij u konfirmua pak kohë para fillimit të ndeshjes në San Antonio të Teksasit, ndërsa të dyja skuadrat e mbajtën topin për 24 sekonda që është shkelje e rregullave të basketbollit në NBA. Fillimisht, këtë e bënë Raptors, ndërsa pas tyre Spurs.

Remarkable moment to start the Raptors-Spurs game. pic.twitter.com/thmt9ZU1Ra

— Timothy Burke (@bubbaprog) January 26, 2020

Gjatë karrierës së tij Los Angeles Lakers, ku i kaloi dy dekada, Bryant e mbajti fanellën me numrin 24. Prandaj, veprimi i basketbollistëve në AT&T Center shënoi një skenë emocionuese, me ç’rast publiku u çua në këmbë dhe brohoriti: “Kobe!”.

Lexo po ashtu Kobe Bryant humb jetën në një aksident me helikopter

Një veprim më ndryshe, ishte në ndeshjen ndërmjet Houston Rockets dhe Denver Nuggets, ku u ndalën dritat dhe pati momente qetësie në nder të legjendës. /Telegrafi/

https://www.instagram.com/p/B7zBjOOB3T1