Modeli i ri që lansohet nga Hyundai gjatë muajit që vjen është quajtur Venue (Video)

Ky model crossover, nuk është emëruar në bazë të emrit të një vendi, por bazuar në një fjalë që ka të bëjë me vendin e takimit

Ka shumë gjëra që mund të thuhen për këtë veturë, që Hyundai do ta prezantojë gjatë muajit që vjen në New York Auto Show, ndërsa emri është shumë i veçantë, transmeton Telegrafi. Në këtë aktivitet, prodhuesi korean do ta prezantojë Hyundai Venue 2020.

Makina është crossoveri më i vogël nga kjo kompani, ndërsa është dedikuar për banorët e rinj urbanë, që ende nuk kanë qindra mijëra të ardhura.

E tëra që dihet, është se do të ketë kabinë të vogël, teksa nuk do të jetë i kushtueshëm, ndërsa mbanë emrin Venue, që në gjuhën angleze nënkupton vendtakim apo vendngjarje.

Sa i përket makinave crossover, Hyundai tradicionalisht i ka emëruar në bazë të vendeve të ndryshme si Tucson në Arizona, Santa Fe në Meksikë, Santa Cruz është një zonë në Kaliforni, Pallisade quhet formim i strukturës malore dhe Kona është një regjion në Hawaii.

Njëjtë ka ndodhur edhe me makinat që Hyundai i ka larguar nga prodhimi si Veracruz që është një shtet në Meksikë, apo Creta prej ishullit të Kretës në Greqi. /Telegrafi/

https://youtu.be/5Z7UEgeDooo