Studiuesi Bajram Mjeku, përmes një postimi në Facebook shpreh irritimin se si Kosova përfaqësohet në shtetet tjera, me persona pa biografi në udhëkryqin e politikës evropiane.“Kush është arrestuar në Francë? Ish-kryeministri Haradinaj, apo ambasadori i Republikës së Kosovës në Paris?! Shikova faqen zyrtare të Ambasadës tonë. Nuk thuhej asgjë. Isha kurioz të lexoj biografinë e ambasadorit tonë. I vetmi link që nuk hapej ishte Biografia e tij! Kemi edhe deputetë e ministra pa biografi. Kemi edhe ambasadorë të emëruar që nuk dinë as edhe një gjuhë të huaj! Vetëm Kosova emëron ambasador pa biografi në udhëkryqin e politikës evropiane në Paris. Ambasadori, i cili përfaqësonte denjësisht Republikën në Paris ishte profesori i shquar i filozofisë, Muhamedin Kullashi. Ai nuk është më! Mjerë Republika...”, ka shkruar Mjeku në Facebook. /Telegrafi/
