“Mjekët i thanë Carvajalit në ambulancë se karriera e tij kishte përfunduar”, ish-ylli i Real Madridit zbulon prapaskenat e lëndimit të spanjollit

Joselu ka zbuluar se kapitenit të Real Madridit, Dani Carvajal, iu tha se karriera e tij kishte “mbaruar” kur ai pësoi lëndim në gju në fillim të këtij sezoni.

Sulmuesi u largua nga Los Blancosverën e kaluar për në Al-Gharafa dhe mbetet pranë ish-shokëve të tij të skuadrës, përfshirë Carvajal.

Ai kujtoi për Jugones: “E përjetova shumë keq kur pashë lëndimin e Danit (Carvajal), sepse e di se si është. Më vjen emocion duke e menduar”.

“Nuk mund ta heq nga koka. Kam shkruar në rrjetet sociale se ‘Do të kisha preferuar të më ndodhte mua’. E mora telefonin dhe thirra fizioterapistët, mjekët…”.

“Unë dhe gruaja ime ishim të shkatërruar. Ai më thirri në ambulancë dhe më tha se i kishin thënë se kishte mbaruar (karriera e tij)”.

Veterani gjithashtu shtoi: “Dani do të kthehet si më parë dhe akoma më mirë. E di sa kokëfortë është. Ai dëshiron të luajë Botërorin e Klubeve”.

“Njerëzit i thanë të mos vendoste qëllime, se do të ishte më keq nëse nuk ia dilte, por nuk i intereson. Ai është kokëfortë dhe nuk do të respektojë asgjë”, potencoi më tej Joselu. /Telegrafi/