E Mjata: Skandali i teksteve shkollorë dhe paaftësia e Ministrisë së Arsimit në RMV

Partia e Majtë ka hedhur akuza ndaj Shërbimit Pedagogjik pranë Ministrisë së Arsimit, duke lidhur organizatën me një sërë dështimesh dhe shkeljesh të procedurave. Drejtorja e mëparshme, mike familjare me kryeministrin Zoran Zaev, është akuzuar për paaftësi dhe favorizim në procesin e miratimit dhe blerjes së teksteve shkollorë.

Në një deklaratë të dërguar mediave, Partia e Mjatës ka përmendur konkurse të shpallura por jo të zbatuara, afate të pavendosura dhe mungesë transparence në proceset e aplikimit.

“Këto janë vetëm një pjesë e vogël e dështimeve të Shërbimit Pedagogjik me në krye Velevën:

– u shpall një konkurs në vitin 2020 për miratimin e teksteve të gjuhës angleze në arsimin nëntëvjeçar, i cili nuk u zbatua fare dhe rezultoi në një vit të katërt shkollor katastrofik pa tekste për këtë lëndë;
– Konkurs në tremujorin e parë 2023 për zgjedhjen e një teksti për lëndën e Shkencave të Natyrës për klasën e 6-të, me një zgjatje të pashpjegueshme të afatit para skadimit, gjë që tregon rregullime të brendshme për të kënaqur autorët e favorizuar;
– Konkursi skandaloz për botimin e teksteve të klasës së 7-të, për të cilin programet e reja ende nuk janë publikuar në faqen e Byrosë së Zhvillimit të Arsimit dhe cilat programe duhet të ndjekin autorët për të aplikuar në konkurs” thuhet nga partija e Majta.

Kritikat përqendrohen në skandalin e fundit për zgjedhjen e teksteve të klasës së 7-të, ku akuzohen për kriter të paqartë dhe përzierje politike në përzgjedhjen e autorëve. Partia thekson se miliona euro para publike janë shpenzuar për tekste shkollorë me gabime, duke rrezikuar cilësinë e arsimit dhe barazinë në qasjen ndaj materialeve mësimore. Në një kohë kur kërkesa për llogaridhënie dhe cilësi është e thellë, Shërbimi Pedagogjik akuzohet për mosrespektim të rregullave dhe për shpërdorime të pushtetit.

Kjo deklaratë vjen si një reagim i Partisë së Mjatë ndaj skandalit të matematikës dhe thellon debatin mbi cilësinë dhe menaxhimin e resurseve në fushën e arsimit në Maqedoni. /Telegrafi/