Mitaj: Rezultati nuk ishte i drejtë, kjo është e vërteta me Juventusin

Kombëtarja e Shqipërisë ka pësuar humbje edhe në ndeshjen e dytë miqësore na muajin mars.

Kuqezinjtë janë mposhtur në udhëtim te Suedia me rezultat minimal 1-0, derisa bën një paraqitje shumë më të mirë se në ndeshjen e parë ndaj Kilit.

Një nga më të mirët në fushë ishte Mario Mitaj, i cili ka folur për Super Sport për humbjen e pësuar, por edhe për zërat që e lidhnin me Juventusin ditë më parë.

Një ndeshje e mirë, por sërish humbim. Çfarë ndodhi?

Ishte një ndeshje shumë e mirë për ne, pavarësisht rezultatit, që besoj se nuk është i drejtë. Mund të kishim marrë edhe më shumë, por duhet të jemi të lumtur për paraqitjen që bëmë si skuadër.

Lexo po ashtu Shqipëria luan mirë në Stockholm, por mposhtet minimalisht nga Suedia

Në aspektin personal ke bërë mirë në fazën mbrojtëse, por mos ndoshta duhet të shohësh më shumë në gjysmëfushën kundërshtare?

Unë bëj në fushë atë që më kërkon trajneri. Nëse ai më thotë që të qëndroj më shumë mbrapa dhe të fokusohem në aspektin mbrojtës, atë duhet të bëj.

Është folur për një interesim të Juventusit. Cili është informacioni që keni ju?

Unë kam ditur vetëm që do të kishte disa skautë nga Juventusi dhe asgjë tjetër. Unë duhet të luaj futboll, të argëtohem dhe përmirësohem. Të tjerat janë aspekte që nuk lidhen me fushën dhe nuk kam çfarë të shtoj.