Mishi i viçit në salcën e kumbullave të thara shkon mirë me petë të trashë ose pure patatesh Përbërësit:- 600 gr kofshë viçi,- 30 gr gjalpë,- 3 lugë vaj ulliri,- 100 gr kumbulla të thata pa kokrra,- 80 gr rrënjë selinoje,- 2 karota,- 1 qepë- 100 ml verë të bardhë,- 2 lugë majdanoz të freskët të grirë,- kripë sipas shijes,- piper sipas shijes,- ujë ashtu sipas nevojës.Përgatitja:
Pritini kumbullat e thata dhe rrënjën e selinos në copa më të vogla, prisni qepët dhe grijini karotat.
Mbuloni copat e mishit të viçit me folie plastike dhe rrihni me çekiç nga të dyja anët. Marinoni sipas shijes me kripë dhe piper.
Në tavë hidhni gjalpin dhe 2 lugë vaj ulliri dhe e lërini të nxehet. Piqeni mishin nga të dyja anët deri sa të marrën ngjyrën kafe të artë. Qiteni në pjatë dhe e mbulojeni me folie plastike.
Në të njëjtin tavë shtoni një lugë vaj ulliri, e lëreni të nxehet dhe shtoni qepën, karotën dhe rrënjën e selinos. Piqini derisa perimet të karamelizohen pak, më pas shtoni kumbullat e thata. Kthejeni mishin në tigan, ziejini duke shtuar ujë sipas nevojës derisa mishi dhe perimet të zbuten.
Hiqni biftekët dhe vendosini në një pjatë të ngrohtë, dhe perimet dhe kumbullat e thata me ujë i transferoni në një tas dhe i prisni me një mikser. Salcën e përftuar e kthejmë në tigan, shtojmë verën dhe ujin sipas dëshirës, varësisht nga dendësia e salcës.
Kthejini biftekët në tigan dhe gatuajeni edhe për 10 deri në 15 minuta të tjera. Hidhni majdanozin dhe hiqeni nga zjarri.
Shërbejini biftekët e viçit me petë të gjera ose pure patatesh.
Ju bëfshin mirë, - transmeton Telegrafi.
