Ministria e mbrojtjes e Maqedonisë shpall konkurs për nënkolonelë

Ministria e mbrojtjes e Maqedonisë ka shpallur konkurs për 25 vende të reja të punës në ARM, ku mund të aplikojnë persona të cilët kanë kryer të paktën studimet e ciklit të parë, përcjell Telegrafi Maqedoni.

Kandidatët do të duhet të mbarojnë të ashtuquajturin kurs për oficerë në kohëzgjatje prej gjashtë muajve. Pastaj do të fitojnë gradën nënkolonel dhe do të punësohen në ministrinë përkatëse. Para se të arrijnë këtë gradë, kandidatët do të nisin punën e tyre nga grada toger, për të kaluar në atë të kapitenit, pastaj gradën major, për të arritur te grada nënkolonel.

Konkretisht ARM-ja ka nevojë për një intendant, një meteorolog, nëntë mjekë të përgjithshëm, dymbëdhjetë shërbyes teknik, shtatë prej të cilëve inxhinierë të diplomuar të makinerisë, tre inxhinierë të elektronikës, dy inxhinierë të diplomuar të teknologjisë informatike, si dhe dy persona për shërbime finanaciar.

Kandidatët e interesuar duhet të jenë më të rinj se 28 vjeç. Afati përfundimtar për paraqitje është 1 tetori i këtij viti./Telegrafi/