Ministri Çulev për vizitë në Njësinë për ndërhyrje të shpejtë

Ministri për Punë të Brendshme Naqe Çulev sot në kuadër të aktiviteteve të rregullta të tij, veçmas në drejtim të realizimit të obligimeve dhe kompetencave të policisë lidhur me ballafaqimin me epideminë e koronavirusit ka vizituar Njësinë për ndërhyrje të shpejtë në Qendrën policore “Gjorçe Petrov” në Shkup.

Siç ka informuar MPB, në bisedën me njerëzit udhëheqës të Njësisë, ministri Çulev është informuar drejtpërdrejtë mbi gjitha detyrat aktuale të pjesëtarëve të Njësisë për ndërhyrje të shpejtë rreth zbatimit të masave, dekreteve dhe rekomandimeve të Qeverisë, por edhe në pjesën e kompetencave ligjore të kësaj organizate të MPB-së.

Çulev në këtë takim ka theksuar rëndësinë e Njësisë speciale të MPB-së, por edhe mbarë vendit Ai ka thënë se pjesëtarët e kësaj njësie janë jashtëzakonisht njerëz të guximshëm, profesionalizmi i të cilëve është vërtetuar në më shumë momente kyçe të shtetit.

Në këtë rast ai ka thënë se MPB ka realizuar me sukses furnizimin e pajisjeve mbrojtëse dhe të gjitha sasitë e nevojshme kanë arritur në depot e ministrisë dhe një pjesë e madhe e tyre janë shpërndarë veçmë në gjitha njësitë
organizative.

Për ministrin, siç theksohet, është e rëndësisë së madhe roli i policisë në realizimin e strategjisë institucionale në luftën kundër epidemisë.