Milloshoski: Kemi mbështetje edhe nga partitë tjera për interpelancën kundër Filipçes

Antonio Milloshoski nga OBRM-PDUKM thotë se për shkak të aferës me vaksinat kinze, partia e tij ka ngritur interpelancë kundër Venko Filipçe dhe shton se për këtë kanë mbështetje edhe nga partitë opozitare.

Ai shpreson se interpelanca së shpejti do të vendoset në rend dite në seancën kuvendare.

“Ne kërkuam interpelancën nga Ministri i Shëndetësisë në Kuvend, ndërsa partitë e tjera të opozitës mbështesin interpelancën dhe shpresoj që Xhaferi ta vendos interpelancën në rendin e ditës sa më shpejt të jetë e mundur, sepse vlerësojmë që numri i të infektuarve, numri i qytetarëve për fat të keq të vdekur, numri i njerëzve të papunë të krijuar në vend si rezultat i menaxhimit të dobët të pandemisë dhe vrapimi pas provizioneve të një kompanie fantazmë nga Hong Kongu në vend të prokurimit të vaksinave të imunizimit janë arsye të mëdha që një ministër të japë dorëheqjen vetëm ose nëse jo i virtytshëm për ta bërë këtë, atëherë deputetët dhe Kuvendi të votojnë mosbesim tek ai”, tha Milloshoski.