Milani është afër arritjes së marrëveshjes për transferimin e mbrojtësit të Juventusit, Medhi Benatia.
Sipas Sport Mediaset, qendërmbrojtësi maroken planifikon të largohet nga Zonja e Vjetër në afatin kalimtar të janarit.
Medhi Benatia (Foto: Marco Luzzani/Getty Images/Guliver)
Për këtë arsye, Rossonerët planifikojnë që ta huazojnë futbollistin deri në fund të sezonit.
Njëherësh, Milani dëshiron ta përfshijë në marrëveshje opsionin e blerjes për 15 milionë euro në verën e ardhshme.
Medhi Benatia (Foto: Pier Marco Tacca/Getty Images/Guliver)
31-vjeçari ka regjistruar vetëm pesë paraqitje për Bianconerët këtë sezon. Kjo për faktin se zgjedhjet e para të Massimiliano Allegrit në qendër të mbrojtjes janë Leonardo Bonucci dhe Giorgio Chiellini.
Benatia është pjesë e Juves nga viti 2016 kur u transferua nga Bayern Munichu. /Telegrafi/
