Milani nis kontaktet me Herthën, Lazaro mund t’i bashkohet në janar

Milani duket se do të shpenzojë gjatë afatit kalimtar të janarit.

Skuadra e madhe italiane po vuan për një mbrojtës të djathtë, pasi Andrea Conti ende nuk është gati për tu rikthyer në fushë.

Në anën tjetër Abate është në përfundim të karrierës dhe nuk po arrin të bëjë më të mirën në krahun e djathtë të mbrojtjes.

Kësisoj Rossonerët kanë menduar transferimin e një mbrojtësi të djathtë dhe duket se e kanë gjetur atë në Bundesliga.

22-vjeçari austriak Valentino Lazaro ka shkëlqyer me Hertha Berlinin këtë edicion në Bundesliga.

Sipas asaj që ka raportuar La Gazzetta dello Sport, Milani ka nisur kontaktet me Herthën e Berlinit për lojtarin.

Reprezentuesit austriak i ka pëlqyer ideja për tu transferuar në Milan dhe i ka dhënë leje klubit të bisedojë me klubin italian.

Milani për ta bindur Herthën ta lë të lirë yllin e tyre, është gati të paguajë në janar rreth 20 milionë euro.

Lazaro këtë edicion ka arritur të shënoj dy gola në Bundesliga dhe ka bërë tre asistime. /Telegrafi/