Milani mposht Ludogoretsin edhe në ndeshjen kthyese, kalon tutje në Ligën e Evropës (Video)

Milani ka fituar edhe takimin e dytë të 1/16-tës së Ligës së Evropës ndaj Ludogoretsin me rezultat minimal 1-0.

Skuadra e Gennaro Gattusos ka vazhduar me formë të lart edhe në Evropë, pasi ka mposhtur në dy ndeshjet Ludogoretsin dhe ka siguruar kalimin në 1/8-tën e Ligës së Evropës.

Pjesa e parë e takimit ishte thuajse e barabartë nga të dyja skuadrat, por vendasit arritën të gjejnë rrugën e rrjetës.

Ishte sulmuesi italian, Fabio Borini, i cili shënoi në minutën e 21-të për 1-0 pas asistimit të Patrick Cutrone dhe me këtë gol skuadrat shkuan në pushim.

Në pjesën e dytë, përsëri u zhvillua lojë e barabartë, me Rossonerët që menaxhonin lojën dhe Ludogorets që tentonte barazimin.

Rasti më i mirë në këtë pjesë i takoi Jakub Swierczok, i cili humbi një mundësi të mirë barazimi në minutën e 57-të të ndeshjes.

Kështu, pasi 90-të minutave lojë Milani fiton edhe ndeshjen kthyese në 1/16-tën e finales në Ligën e Evropës, duke siguruar kualifikimin.

Rossonerët eliminuan skuadrën bullgare, Ludogorets, me rezultat të përgjithshëm 4-0. /Telegrafi/

Borini's goal pic.twitter.com/C9Q3wgW3Li

— ⭐️⭐️👍🏼 (@semo33) February 22, 2018