Milani do të ketë mungesa të mëdha si Zlatan Ibrahimovic, Simon Kjaer, Rade Krunic, Ismael Bennacer, Lucas Biglia dhe Leo Duarte për takimin e tyre me Hellas Verona.
Rossonerët luajnë në shtëpi ndaj Veronës në takimin e vlefshëm për javën e 22-të në Serie A, takim që zhvillohet në San Siro nga ora 15:00.
Trajneri Stefano Pioli kishte paralajmëruar në konferencën e tij për shtyp se Ibrahimovic dhe Kjaer kishin vuajtur nga simptomat e gripit për disa ditë.
Dhe, tani ka ardhur konfirmimi se lojtarët e lartcekur do të jenë dy nga katër mungesat e mëdha të Milanit ndaj Veronës.
Përveç këtyre dy lojtarëve, Milanit do t’i mungojë edhe Krunic, i cili ka një problem muskulor dhe Bennacer që është i pezulluar.
Biglia dhe Duarte gjithashtu janë të lënduar, kështu që Alexis Saelemaekers merr thirrjen e tij të parë, së bashku me Daniel Maldini - djali i legjendës Paolo dhe nipi i Cesares.
Skuadra e Milanit për ndeshjen ndaj Veronës:
Portier: Begovic, A. Donnarumma, G.Donnarumma; Mbrojtës: Calabria, Conti, Gabbia, Hernandez, Laxalt, Musacchio, Romagnoli;Mesfushorë: Bonaventura, Brescianini, Calhanoglu, Kessie, Paqueta, Saelemaekers;Sulmues: Castillejo, Leao, Rebic, Maldini/Telegrafi/
