Milan – Juventus, pesë mënyrat si mund të mposhten skuadrat

Natyrisht, derbi i kësaj jave në Serie A, që do të vë përballë Milanin dhe Juventusin, zgjon interesim të shtuar tek opinioni futbolldashës. Të gjithë tashmë kanë bërë planet e tyre për fundjavë dhe të gjithë bisedojnë se kush do ta fitojë derbin. Ne ju sjellim pesë mënyrat me të cilat mund të mposhtin njëra-tjetrën skuadrat.

Pesë mënyrat se si Milani mund ta mposhtë Juventusin

1) Sulmoni qendërmbrojtësit

Robinho dhe Alexandre Pato kanë shpejtësinë dhe truqet në gjak, përderisa këto aspekte janë pika të dobëta te mbrojtësit e Juventusit. Nëse dyshja e shpejtë braziliane sulmon mbrojtjen prej katër njerëzve të Juventusit, atëherë kjo taktikë do dalë e frytshme, pasi që gjigantët torinezë do të rraskapiten.

2) Mos luani lojën: ‘jepjani topin Ibrës’

Kjo është një ndër pikat kyçe që duhet të ndiqen. Në të kaluarën, Giorgio Chiellini arriti që më shpesh se ç’ishte menduar ta ndalë Ibrahimovicin në duelet e forta fizike, gjatë përballjeve një në një. Suedezi si pikë fokale e lojës do t’i përshtatej Juventusit që do ta përtypte Milanin, ndërsa futbolli i pastër do të ishte shumë më i suksesshëm se sa një sulmues njëdimensional 29 vjeçar.

3) Mbani mend, mos u lodhni në mesfushë

Simone Pepe, Felipe Melo dhe Claudio Marchisio janë të gjithë motorë të gjallë të aftë për të vrapuar e stërvrapuar në krahasim me Andrea Pirlon, Gennaro Gattuson ose Clarence Seedorfin, por juventinëve u mungon kreativiteti dhe aftësia për ta mbajtur topin, veti kjo që vendasit e posedojnë. Hyrja në luftë në mes të fushës do t’u jipte përparësi Bianconerëve. Nëse mundësohet qarkullimi i topit, atëherë Juventusi do të detyrohet të bëjë ndonjë plan tjetër.

4) Të luani me vijë të gjatë të mbrojtjes

Me Amaurin dhe Vincenzo Iaquintan të lënduar, Juventusi do të detyrohet që në sulm të luajë me dy sulmues të cilët nuk janë tipikë ekstremë, Alessandro Del Piero dhe Fabio Quagliarella, të dy këta që pritet të tërhiqen nga zona për të pranuar topa. Një vijë e gjatë e mbrojtjes së Milanit do ta bënte diferencën në posedimin e topit.

5) Kujdes me top dhe keni durim

Juventusi, pa të suspenduarin Milos Krasic, sipas të gjitha gjasave do të luajë me kundërsulme në San Siro, përderisa Milani nuk duhet të frustrohet dhe të ngulfatet në posedim të topit. Fatmirësisht, në mbajtje të topit Rossonerët janë mjeshtër të vërtetë. Nuk ka nevojë për t’u nxituar nëse Juventusi sprapset dhe dëshiron që të shtypet në pjesfushën e vet, kështu që durimi është një veti që mund të shërbejë në lëvizshmërinë e topit.

Pesë mënyrat se si Juventusi mund ta mposhtë Milanin

1) Atakoni mbrojtësit

Të dyja ekipet janë ekstremisht të dobëta në qendër të mbrojtjeve, ndërsa mungesa e Milos Krasic, do të detyrojë hyrjen në aksion të Simone Pepes dhe Jorge Martinezit, të cilët ua bënë bajat futbollin Daniele Boneras dhe Massimo Oddos në të kaluarën. Sulmuesit Alessandro Del Piero dhe Fabio Quagliarella gjithashtu duhet t’u ndihmojnë mesfushorëve.

2) Plaku Pirlo

Nëse i jepni një herë topin fituesi të Kupës së Botës në vitin 2006, atëherë ai do të diktojë, krijojë dhe do të pasojë deri sa të vdisni. Por, përgjatë sezoneve të kaluara, përderisa ai është moshuar, Pirlo është bërë i padobishëm kur është vënë nën presion prej kundërshtarëve fizikë. Ky do të jetë rast i përkryer për Felipe Melon, që t’u tregojë të gjithëve se ai po kthehet në formën më të mirë.

3) Testojeni Abbiatin dhe mbrojtjen e Milanit nga ndërprerjet

Abbiati rastësisht mund t’u zhgënjejë pas ndërprerjeve, pasi që ai preferon ta grushtojë topin pas një harkimi se sa ta kapë atë. Me Amaurin dhe Vincenzo Iaquintan të lënduar, harkimet nga loja e hapur do të jenë të pasuskesshme. Por, Juventusi mund të dëmtojë Rossonerët nga ndërprerjet, me Giorgio Chiellinin, Leonardo Bonuccin dhe Felipe Melon, të gjithë këta fenomenalë në ajër.

4) Luani shpejtë

Nëse shikojmë pikën 2) të Juventusit, atëherë kjo pikë do të detyrojë fansat e epokës Platini – Zidane, të pranojnë se Juventusi luajti vetëm taktikisht, pa shfrytëzuar aftësitë teknike. Milani ka qenë e kundërta e kësaj dhe Real Madridi na ka treguar javën e kaluar se nëse luani shpejtë ndaj Rossonerëve, atëherë ata do të vuajnë, sidomos në mesfushë e cila përbëhet nga veteranë të tillë si Rino Gattuso, Clarence Seedorf dhe Pirlo.

5) I thoni Chiellinit ta nervozojë Ibrën

Vigani i Juventusit, Chiellini, ka bilanc të shkëlqyer ndaj Ibrahimovicit, nga koha e suedezit te Interi. Mbrojtësi fantastik rregullisht e frustronte dhe nervozonte Ibrën gjatë disa dueleve brutale në Derbi d’Italia. Ibrahimovic nervozohet shpejtë dhe mund të thyhet mentalisht, kështu që i mbetet Chiellinit që ta godasë në fytyrë dhe ta detyrojë Ibrën ta humbasë fokusin.

Derbi Milan – Juventus zhvillohet të shtunën në San Siro, me fillim nga ora 20:45.

/Telegrafi/