Tiemoue Bakayoko do të rikthehet përsëri për ta veshur fanellën e Milanit.
Mesfushori francez pasi kaloi një vit si i huazuar te Monaco është rikthyer në Chelsea, por trajneri Frank Lampard nuk llogarit në shërbimet e tij.
Monaco, Lyon, PSG dhe disa skuadra angleze tentuan transferimin e tij, por Bakayoko është i vendosur të nënshkruajë me Milanin.
26-vjeçari ka arritur marrëveshje personale me Milanin për një kontratë katër vjeçare.
Gjatë kësaj jave pritet të kompletohet transferimi i tij, pasi Chelsea dhe Milan janë shumë afër marrëveshjes.
Tiemoue Bakayoko . (Photo by Christopher Lee/Getty Images)
Rossonerët kanë ofruar 30 milionë euro, teksa Chelsea është duke kërkuar 35 milionë për yllin e tyre.
Gjithsesi sipas medieve italiane Bakayoko është i destinuar për tu transferuar te Milani, pasi marrëveshja përfundimtare pritet të arrihet për 32 milionë.
Mesfushori francez kishte kaluar një vit të suksesshëm si i huazuar te Milani në edicionin 2018/19 ku zhvilloi 42 ndeshje duke shënuar një gol e duke bërë një asistim. /Telegrafi/
