Mickoski: Terroristët nga Siria marrin tri herë dënime më të ulëta se sa vëllezërit tanë patriot

Martin Neshkoski, Nikolla Mlladenov, Nikolla Sazdovski, Martin Janushev, vendimi gjyqësor për 27 prillin ishin një pjesë e rasteve që kreu i OBRM-PDUKM-së, Hristijan Mickoski i përmendi në mitingun e djeshëm në Negotinë.

“E përmendnin Nikolla Mlladenovin dhe thonin: ky njeri nuk humbi jetën në aksident, ky njeri është i vrarë, ne kemi materiale dhe këto materiale do t’i prezantojmë tek opinioni maqedonas. Keqpërdornin fatkeqësi njerëzore, që vite më pastaj të shohim bashkëshortet e saj se si thotë se bashkëshorti i saj ka humbur jetë për shkak të shpejtësisë, e njëjta gjë që thonte raporti i policisë. Dhe normalisht despoti hesht, dhe nuk kërkon falje tek opinioni në Maqedonia që e manipuloi vetëm për të ardhur në pushtet, asgjë më shumë, për më shumë privilegje, për më shumë fuqi”, përcjell Telegrafi Maqedoni.

Për të dënuarit e 27 prillit, Mickoski i quajti “patriotë, njerëz që kanë gabuar vetëm për shkak se kanë dashur shtetin e vet”.

“Ata sot janë të burgosur me dënim me burg më shumë se dy shekuj. Në të njëjtën kohë terroristët që u kthyen nga luftërat në Siri marrin dënim prej 6 vitesh, tre herë më e vogël se vëllezërit tanë patriot, vetëm sepse kanë gabuar që kanë dashur shtetin e vet”, tha Mickoski.

Për himnin që nuk u intonua gjatë vizitës së kryeministrit grek, kreu i OBRM-PDUKM-së, pyeti se çfarë miku është ai nëse nuk të respekton për atë se çfarë je./Telegrafi/