Michelle Obama ka vendosur që të shfaqet në media një vit pas largimit të saj nga Shtëpia e Bardhë.
Ajo ka dhënë së fundmi një intervistë për programin e njohur "Ellen De Generis", ku ka zbuluar shumëçka nga jeta dhe karriera e saj.
Ndër të tjerash, ish-zonja e parë e Shteteve të Bashkuara të Amerikës, ka treguar edhe për dhuratën që ka pranuar nga Melania Trump, ditën e parë që ajo hyri në Shtëpinë e Bardhë.
Ajo shpjegoi fillimisht se dhurata në fjalë e kishte vënë pak në siklet ,pasi ishte diçka e paparashikuar, dhe jashtë rregullave të protokollit.
Michelle kishte pranuar nga Melania një kornizë të bukur për fotografi, një dhuratë klasike por e veçantë.
Çifti Donald dhe Melania Trump u vendosën në Shtëpinë e Bardhë në tetor të vitit 2016, atëherë kur Obama përfundoi mandatin e tij si president i Shteteve të Bashkuara të Amerikës, dhe në kryer kishte ardhur presidenti i ri, Donald Trump. /Telegrafi/
