Meta po ofron shuma të konsiderueshme parash për t’u bashkuar me Facebook dhe Instagram mes pasigurisë së TikTok

Meta po u ofron krijuesve të njohur amerikanë nga aplikacionet e konkurrentëve si TikTok mundësinë për të fituar 5,000 dollarë për të krijuar përmbajtje në platformat e saj.

TikTok doli shkurtimisht jashtë linje në SHBA të dielën përpara një ndalimi të vendosur nga Joe Biden, por disa orë më vonë, ai u kthye në internet me një mesazh duke falënderuar pasardhësin e tij Donald Trump, i cili e ka pezulluar ndalimin për 75 ditë.

Bëhet e ditur se ndalimi i vonuar sjell pasiguri për krijuesit në TikTok – shumë prej të cilëve jetojnë përmes aplikacionit jashtëzakonisht të popullarizuar.

Dhe përkon me “Breakthrough bonus programme” të Meta që u ofron krijuesve nga aplikacione të tjera deri në 5000 dollarë bonuse në 90 ditët e para të regjistrimit, shkruan skynews, përcjell Telegrafi.

Ata duhet të ndajnë të paktën 20 video në Facebook dhe 10 në Instagram brenda 30 ditëve nga pranimi i termave dhe kushteve të programit të bonusit, thuhet në faqen e internetit Meta.

Raportohet se videot duhet të kenë përmbajtje origjinale nga një krijues amerikan i moshës 18 vjeç e lart, dhe megjithëse nuk përmend TikTok me emër, thuhet se krijuesi duhet të ketë “një prani ekzistuese në një llogari sociale të palës së tretë”.

Meta thotë se do të llogarisë bonuset bazuar në një vlerësim të “prezencës sociale” të secilit krijues, duke shtuar se krijuesi duhet të jetë gjithashtu krejtësisht i ri në Facebook ose Instagram.

Ndryshe, Trump shpëtoi TikTok pasi u ndalua për një kohë të shkurtër të dielën, por dega e tij amerikane ndihet larg nga siguria, pasi pronarët e aplikacionit kanë 75 ditë për të bindur zyrtarët amerikanë se nuk kërcënon sigurinë kombëtare.

Një varg emrash të mëdhenj nga bota e teknologjisë dhe madje edhe qeveria e SHBA-së janë shpallur si pronarë të rinj potencialë të gjigantit të rrjeteve sociale. /Telegrafi/