‘Messinho’ emëron dy lojtarët e Chelseat që tashmë po e bëjnë të ndihet si në shtëpinë e tij

Nënshkrimi i shumëpritur i Chelseat në verë, Estevao Willian i njohur si ‘Messinho’, ka zbuluar se dy nga yjet aktualë të klubit kanë qenë në kontakt me të përpara mbërritjes së tij në Stamford Bridge.

Reprezentuesi brazilian, i cili do t’i bashkohet Chelseat në vitin 2025, ka biseduar me Cole Palmer dhe kapitenin e klubit Reece James.

Estevao, i cili pritet të futet direkt në skuadrën e parë të Enzo Maresca, zbuloi lajmin në një intervistë me ESPN Brazil këtë javë.

“Cole Palmer flet me mua në Instagram dhe gjithashtu Reece James tha nëse kam nevojë për ndonjë gjë, le t’i tregoj”, ka thënë Estevao.

Lexo po ashtu “Dua të bëhem braziliani më i suksesshëm në historinë e Chelseat”, Messinho zbulon ambicien e tij

Lëvizja e 18-vjeçarit te Chelsea ka krijuar bujë të madhe, me shumë ekspertë që sugjerojnë që ai do të bëhet një superyll i ardhshëm.

Paraqitjet mbresëlënëse të Estevaos kanë tërhequr vëmendjen e klubeve kryesore, me Bayern Munich që ka bërë një përpjekje të vonë për ta nënshkruar atë.

Megjithatë, këmbëngulja e Chelseat dha rezultat dhe braziliani i ri do të shkojë në Stamford Bridge gjatë verës. /Telegrafi/