Meshkujt australianë jetojnë më gjatë – është koha që të marrim mësim nga ta!

Sipas një studimi të fundit, meshkujt australianë jetojnë më gjatë sesa meshkujt në shtete tjera të Azisë, Evropës dhe të Amerikës Veriore.

Jetëgjatësia e tyre është mesatarisht 74 vjet, krahasuar me meshkujt amerikanë që mesatarisht jetojnë 71.5 vjet, transmeton Telegrafi.

Më poshtë i keni disa prej sekreteve të tyre të jetëgjatësisë.

Shteti është stabil

Gjërat kanë qenë në rregull në Australi për një kohë të gjatë, thonë autorët e hulumtimit.

Krahasuar me shtetet evropiane, në Australi nuk ka pasur beteja të mëdha gjatë dy luftërave botërore.

Stili i jetesës pa stres

Shumica e australianëve jetojnë afër plazhit. Një klimë e mirë padyshim se automatikisht ju bën më pak të stresuar.

Kjo gjithashtu përfshin edhe një stil aktiv të jetesës – njerëzit vrapojnë afër oqeanit, dalin me biçikletë, bëjnë joga në plazh, bëjnë surf, etj.

https://www.instagram.com/p/BvBB0T5CKe1/?utm_source=ig_embed

Australianët janë të çmendur pas sporteve

Australia konsiderohet si një shtet i çmendur pas sporteve.

Në Lojërat Olimpike, shpeshherë Australia futet në top 5-she të tabelës së medaljeve, pavarësisht popullsisë së vogël.

Këto fitore mjaftojnë t’i inkurajojnë njerëzit të dalin në ambient të hapur dhe të jenë aktivë, plus moti i mirë dhe oqeani afër janë avantazh i madh.

Kuzhina e shëndetshme

Një bollëk me ushqime të freskëta të detit dhe produkte tjera të freskëta nga ferma e kanë formuar kuzhinën australiane në një prej stileve më të shëndetshme dhe më të balancuara në botë.

Kjo e shpjegon edhe ‘shpërthimin’ e restoranteve australiane në vende të ndryshme të botës.

Fortësia natyrale

Disa australianë thonë se arsyeja kryesore se përse meshkujt atje jetojnë gjatë mund të ketë të bëjë me fortësinë e tyre natyrale – ndoshta për shkak të afërsisë me natyrën.

Nëse dëshironi të jetoni po aq gjatë sa ta, ndaloni së ankuari, mblidheni veten dhe merreni kontrollin e jetës tuaj. /Telegrafi/