Mes Prishtinës dhe Londrës, Dua Lipa zgjedh Prishtinën

Këngëtarja shqiptare me famë botërore, Dua Lipa, dha së fundmi një intervistë për CNN, duke folur rreth jetës dhe karrierës së saj në përgjithësi.

Ajo tregoi jetën e saj si refugjate në Londër, duke thënë se asnjë person nuk largohet me dëshirë nga vendi i saj.

Tutje këngëtarja ka treguar se është shumë e lidhur me rrënjët e saj, ndërsa e ngacmuar nga gazetarja, asaj i është dashur të zgjedhë mes Londrës dhe Prishtinës.

Fillimisht me hezitim, por më pas Dua ka thënë se do të zgjidhte Prishtinën, sepse ishte qyteti i saj i lindjes.

Dua verën që shkoi mbajti një koncert në Prishtinë, në kuadër të festivalit “Sunny Hill”, në Parkun Gërmia.

Lexo po ashtu Dhe ia arriti! Dua Lipa shpërblehet me çmimin për 'muzikën më të mirë internacionale' në BAMBI Awards

Ndërkaq, e pyetur tutje nga gazetarja se cilën do zgjidhte mes muzikës së saj dhe atë të babait, këngëtarja është përgjigjur me të qeshura duke thënë se do të zgjidhte muzikën e saj sigurisht.

“Muzikën time. Pavarësisht se e dua shumë atë të babait, por jam shumë krenare me punën time”, ka thënë këngëtarja shqiptare.

Së fundmi, ajo u shpërblye me çmimin për “muzikën më të mirë ndërkombëtare”, në eventin më të madh në Gjermani, BAMBI Awards. /Telegrafi/