Mercedes Project One, me shpejtësinë e veturave të garave (Foto)

Në Frankfurt Motor Show që zhvillohet gjatë muajit shtator, do të prezantohet modeli Project One, për të cilën është folur shumë.

Deri tani, Mercedes ka publikuar disa fotografi që e tregojnë atë pjesërisht, ndërsa thuhet se është një hipermakinë, transmeton Telegrafi.

Kështu, menjëherë janë bërë ilustrime të ndryshme që e tregojnë me dukjen më të përafërt.

Së fundmi, mediet që merren me automobilizëm, kanë kuptuar nga burime të afërta se Project One do të ketë shpejtësinë e makinave të garave, por se është e destinuar për rrugë normale.

Ndryshe, është thënë po ashtu se do të jetë vetura që ka lëvizur më së shpejti ndonjëherë në pistën për testim në Nurburgring të Gjermanisë. /Telegrafi/