Arsyeja më e fundit që Elon Musk ishte në titujt kryesorë të lajmeve është fakti se ai u nda me partneren Natasha Basset, ngjarje kjo që e ka mërzitur shumë nënën e miliarderit.
Maye Musk ndjeu se Natasha ishte gruaja perfekte për djalin e saj dhe ishte e mërzitur nga ndarja e tyre, e cila ishte diçka e befasishme duke qenë se të dy u shfaqën së bashku në Festivalin e Filmit në Kanë.
Tani, ata nuk janë më bashkë dhe një burim i afërt me Maye ka folur për Hollywood Life.
Elon Musk dhe Natasha
“Natasha dhe Maye ishin shumë të afërta gjatë muajve të fundit”, tha burimi.
"Ajo mendonte se Natasha ishte gruaja perfekte për djalin e saj. Ata ndanin një lidhje kaq të fortë dhe ajo e konsideron me të vërtetë një shoqe tani”.
"Miqësia e tyre do të vazhdojë edhe pse ajo nuk është më me Elon”.
Pse u ndanë Elon Musk dhe Natasha Bassett?
Arsyeja e ndarjes së tyre ishte që Natasha Bassett të fokusohej në karrierën e saj të aktrimit.
Megjithatë, nëna e biznesmenit nuk po e mban këtë kundër aktores dhe e kupton vendimin.
“Maye nuk është e mërzitur apo e zemëruar me Natashan”, vazhdoi burimi i Hollywood Life.
Elon dhe Natasha
"Si një grua, Maye e di se ndonjëherë një grua duhet të vendosë veten dhe karrierën e saj përpara një lidhjeje”.
Kush është Natasha Bassett?
Natasha Bassett është australiane, e lindur në Sydney. Ajo u transferua në ShBA kur ishte 19 vjeçe për të ndjekur ëndrrat e saj për t'u bërë aktore.
Karriera e saj ka filluar të rritet vitet e fundit, pasi luajti Britney Spears në filmin biografik "Britney Ever After".
Elon dhe Natasha
Ajo ka luajtur Dixie Locke në filmin biografik “Elvis”, të drejtuar nga Baz Luhrmann dhe i cili u publikua në qershor të këtij viti. /Telegrafi/
