“Mendoj se kjo humbje është e mirë për ne” – ylli i Arsenalit flet pas disfatës në Francë

Arsenali ka pësuar humbjen e parë në fazën e grupeve të Ligës së Kampionëve, teksa është mposhtur në udhëtim te Lens 2-1.

Përkundër se krijuan epërsi të hershme me golin e Gabriel Jesus, Topçinjtë pësuan humbje në fund.

Mesfushori anglez, Declan Rice ka thënë se dominuan ndeshjen plotësisht para barazimit të rezultatit, por pastaj Lens kanë bërë presion të madh për ta fituar duelin.

Lexo po ashtu Arsenali shokohet nga Lens - francezët marrin kryesimin e Grupit B

“Ne dominuam plotësisht ndeshjen para barazimit të rezultatit. Lens nuk është aspak një kundërshtar i lehtë”.

“Ata shkojnë njeri për njeri në të gjithë fushën dhe vazhdimisht ju shtypin, duke u përpjekur të fitojnë topin lart dhe ne duhej të ishim në të për sa i përket rrotullimeve tona dhe ne dolëm shumë mirë. , ishte vetëm ajo pjesë e fundit që i mungonte lojës sonë”, tha Rice.

Megjithatë mesfushori anglez ka thënë se do të mësojnë nga kjo humbje që mos ta përsërisin në të ardhmen.

“Vendasit u mbrojtën shumë mirë, dhe kjo është meritë e tyre pasi disa nga qendërmbrojtësit e tyre patën paraqitje të mrekullueshme”, tha Rice.

“Shikoni, mendoj se është mirë për ne që pësuam këtë humbje. Ne kemi humbur, por mund të mësojmë shumë nga kjo ndeshje dhe jemi ende në lojë për kualifikim”, u shpreh mesfushori anglez. /Telegrafi/