Mbrojtja e Sylës pretendon ta vë në pikëpyetje besueshmërinë e një dëshmitari (Video)

Prokurorisë i kanë mbetur edhe pak muaj për të provuar nëse kanë bazë për të ngritur aktakuzë ndaj ish-deputetit të PDK-së, Azem Syla.

Në tetor pritet të përfundojë afati shtesë prej 6 muajsh, i aprovuar nga gjyqtari i procedurës paraprake për hetim ndaj grupit të Azem Sylës, raporton KTV.

Por, gjatë kohës sa po vazhdon hetim i veçantë, mbrojtja e Sylës është duke provuar të diskreditojë besueshmërinë e dëshmitarit kryesor të mbrojtur, i njohur si Dëshmitari 1.

Disa seanca janë shtyrë gjatë muajit maj e qershor, për shkak të paqartësive rreth mandatit të EULEX-it, derisa edhe dy të tjera pritet të mbahen gjatë korrikut.

Hetimi i veçantë ishte miratuar për shkak të përvojave nga e kaluara kur dëshmitarët kishin ndërruar dëshmitë pastaj në Gjykatë.

Azem Syla bashkë me 51 persona të tjerë, dyshohen për veprat penale, krim i organizuar, shpëlarje parash, keqpërdorim i pozitës zyrtare, nxjerrje e kundërligjshme e vendimeve gjyqësore dhe dhënie e marrje ryshfeti.

Sipas Prokurorisë, Azem Syla dhe Shpresim Uka ishin udhëheqës dhe financues të këtij grupi kriminal që nga viti 2006.

https://vimeo.com/175858033