Mbrojnë lëkurën, rikuperojnë trupin: Këto pesë ushqime janë opsioni më i mirë për një mesvakt të lehtë në plazh!

Nëse po flasim për pushimet verore dhe kohën që e kalojmë në plazh, është e dëshirueshme të merrni ushqime që janë plot me vitamina dhe që hidratojnë dhe ushqejnë lëkurën

Natyrisht, këtu nënkuptojmë kryesisht frutat e freskëta, të thata dhe fruta me bërthamë, që është një zgjedhje e shkëlqyer, ndër të tjera, sepse mbajnë organizmin të ngopur.

Në vijim do të mësoni se për cilat ushqime bëhet fjalë, transmeton Telegrafi.

1. Kivi kundër lodhjes

Është një frutë që përmban një nivel të lartë të vitaminës C, e cila ka një efekt pozitiv në prodhimin e kolagjenit, por edhe në qarkullimin e gjakut. Përveç kësaj, ne mund të veçojmë praninë e mineraleve të magnezit dhe kaliumit, të cilat zvogëlojnë plogështinë.

2. Kajsi për një ten më të bukur

Karotenoidet, më i famshmi prej të cilëve është beta-karoteni, ndikojnë në lëkurën e ekspozuar ndaj diellit. Nga ana tjetër, bakri, hekuri dhe magnezi parandalojnë me sukses humbjen e energjisë.

3. Shalqiri për mbrojtjen e lëkurës

Ky frut është një antioksidant i fuqishëm, por edhe një aleat në ruajtjen e një pamje rinore, të gjitha falë vitaminës C dhe likopenit.

4. Bajame kundër urisë

Kjo frutë me bërthamë është një aleat i madh në dietë, sepse është e pasur me fibra dhe acide yndyrore esenciale, të cilat ruajnë ngopjen.

Gjithashtu, për shkak të përbërjes së tyre, ato eliminojnë shenjat e intolerancës dhe ndryshimeve të humorit, të cilat ndodhin në temperatura të larta. Është më e rëndësishme të përmendim aminoacidet, të tilla si triptofani, por edhe vitaminat e kompleksit B.

5. Pjeshka për hidratim

Përveç këtij përfitimi, pjeshkët janë gjithashtu të shkëlqyera për qarkullimin e gjakut, sepse janë të pasura me vitaminë C, magnez dhe kalium. Gjithashtu parandalojnë fryrjen e barkut.

/Telegrafi/