Mbreti James ia tregon vendin Curryt, kampioni vendoset në ndeshjen e 7 (Video)

LeBron James me një performancë prej legjendari ka arritur që të udhëheqë ekipin e tij, Cleveland Cavaliers, drejt një fitore 115 – 101 ndaj Golden State Ëarriors në shtëpinë e tyre në Chesapeake Arena të Ohios. Seria me këtë fitore është barazuar në 3-3.

Cavs në këtë takim hynë më të egër se në ndeshjet e kaluara duke e ditur se një fitore e GSË para publikut të CAVS do t’i bënte ata kampionë.

Megjithatë, këtë nuk lejoi mbreti LeBron James i cili shfaqi një performancë prej kolosi, duke treguar se ai është MVP i vërtet dhe lojtari më i mirë në botë.

Pas çerekut të parë i cili përfundoi me 20 pikë epërsi për Cavs, Golden State filloi të këndellet dhe ngadalë u kthye në lojë, për të rrezikuar gjërat në çerekun e katërt, megjithatë James dhe bashklojtarët e tij nuk lejuan befasi dhe arritën të mbajnë në distancë të mjaftueshme pikësh Golden Staten.

Më i miri absolutisht që ishte LeBron James me double-double prej 41 pikësh, 11 asistimesh, 8 kërcimesh dhe tri bllokada, ndër të cilat një bllokadë monstruoze ndaj Curryt, shkruan Telegrafi.

Curry kishte 30 pikë, dhe Thompson 25 pikë, më pas Irving ishte ndër më të mirët me 23 pikë, duke mos lënë vet Jamesin.

LeBron James bëhet ndër të paktë lojtarë në historinë e NBA që arrin të shënojë nga 40 pikë e më shumë në finale në dy ndeshje rresht.

Me këtë fitore të Cavaliers, seria barazohet në 3-3 dhe ndeshja e shtatë do të zhvillohet më 20 qershor në ora 02:00 të mëngjesit të së martës. Kush fiton në ndeshjen që do të zhvillohet në Oracle Arena të Oaklandit, do të shpallet kampion.

Deri tash, vetëm arritja deri në ndeshjen e shtatë është arritje për Cavaliers, duke e ditur se ishin duke humbur 3-1 me ndeshje dhe Golden State ka dy ndeshje që ka mundur ta vulosë titullin. Tash gjithçka është e barabartë dhe nuk i dihet në ndeshjen e shtatë, por nëse Cavs fitojnë, do ishte hera e pare ne histori që një ekip në NBA arrin në finale ta rikthejë deficitin prej 3-1 në ndeshje dhe të shpallen kampionë. /Telegrafi/

https://youtu.be/6TBBB1FUKLw