Mbesa e Putinit zbuloi aksidentalisht numrin e ushtarëve të zhdukur rusë

Autoritetet ruse kanë marrë 48 mijë kërkesa për teste ADN-je për të identifikuar ushtarë të zhdukur gjatë konfliktit në Ukrainë.

Këtë e bëri të ditur Anna Tsivileva, zëvendësministre e Mbrojtjes dhe mbesa e presidentit rus, Vladimir Putin, gjatë një seance në Dumën e Shtetit. Deklarata e saj, e cila ekspozon një realitet shqetësues për ushtrinë ruse, ka ngjallur debat dhe reagime të forta.

Numri i lartë i kërkesave për teste ADN-je pasqyron nivelin e lartë të pasigurisë për fatin e mijëra ushtarëve rusë që konsiderohen të zhdukur.

Këto të dhëna vijnë në një kohë kur qeveria ruse është përpjekur të minimizojë raportimet për humbje të mëdha në front, duke kufizuar qasjen në informacionin zyrtar dhe duke kontrolluar narrativën publike për luftën.

Putin’s niece accidentally revealed the approximate number of missing Russian soldiers

Russian authorities have received 48,000 DNA test requests to search for missing Russian soldiers, according to Anna Tsivileva, Deputy Defense Minister and Putin’s niece, during a statement in… pic.twitter.com/uiVoLiBNvD

— NEXTA (@nexta_tv) December 4, 2024

Pas deklaratës së Tsivilevës, kreu i Komitetit të Mbrojtjes në Dumën e Shtetit, Andrei Kartapolov, ka kërkuar që shifrat të mos publikohen më tej dhe të hiqen nga dokumentet zyrtare. Kjo përpjekje për të fshehur informacionin duket se synon të shmangë një reagim negativ nga publiku rus, i cili është gjithnjë e më i shqetësuar për koston njerëzore të konfliktit.

Deklarata e Tsivilevës ka ngjallur shqetësime jo vetëm në mesin e familjeve të ushtarëve, por edhe në qarqet e opozitës dhe analistëve ndërkombëtarë. Opozita ruse dhe aktivistët për të drejtat e njeriut kanë kritikuar qeverinë për mungesën e transparencës dhe për trajtimin e pamjaftueshëm të çështjes së të zhdukurve.

Ekspertët sugjerojnë se numri real i viktimave dhe të zhdukurve mund të jetë edhe më i lartë. Ky nivel humbjesh përbën një sfidë të rëndësishme për Kremlinin, si nga pikëpamja ushtarake ashtu edhe nga ajo politike. Ndërsa familjet vazhdojnë të kërkojnë përgjigje për fatin e të dashurve të tyre, presioni ndaj qeverisë për më shumë transparencë dhe përgjegjësi mund të rritet ndjeshëm.

Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale. /Telegrafi/