Mbappe dhe Verratti festojnë me modelen Cindy Bruna në një ndejë luksoze

Dy futbollistët e Paris Saint-Germainit, Kylian Mbappe dhe Marco Verratti, e kanë kaluar fundjavën që lamë pas me supermodelen Cindy Bruna.

Bukuroshja e ka festuar ditëlindjen e saj të 26-të në një restorant në Paris, ndërsa dy futbollistët kanë qenë të ftuarit e saj.

Ditëlindja e saj ka qenë në muajin e kaluar, mirëpo Bruna nuk kishte pasur mundësi të festonte deri më tani, ndërsa në rrjetet sociale janë shpërndarë fotografi dhe video nga festa.

Nuk kanë munguar edhe përqafimet dhe pozat e futbollistëve me modelen e bukur që kanë tërhequr shumë interesim.

Bruna ka lindur në Francë, mirëpo babai i saj është italian, kurse nëna e saj me origjinë nga Kongo. Ajo ka sfiluar për brendet e famshme, si Calvin Klein, Burberry, Prada, Vogue e Ralph Lauren.

https://www.instagram.com/p/CEhuEwDAYjG/

Me futbollistët e PSG-së është njoftuar përmes shoqes së saj, Jessica Aidi, e cila është në lidhje me Verrattin.

Më herët gjatë verës, treshja janë argëtuar së bashku edhe në lokacionin luksoz francez, Saint Tropez. /Telegrafi/

https://www.instagram.com/p/CCYsak9n5gG/

https://www.instagram.com/p/CEE1qyJnSnp/

https://www.instagram.com/p/CCbcZf2gHvx/