Max Verstappenit i thuhet se titulli kampion në Formula 1 për edicionin e kaluar nuk është i vlefshëm

Max Verstappen mund të ketë titullin kampion në Formula 1 sezonin e kaluar, por kjo nuk e ka penguar një ish-pilot të pretendojë se nuk është i vlefshëm.

Ka më shumë se 13 muaj që piloti u kurorëzua kampion bote për herë të parë, duke mposhtur Lewis Hamilton në garën e fundit të sezonit.

Polemikat e asaj fitoreje vazhduan për disa javë gjatë vitit të kaluar, madje edhe gjatë sezonit, me tifozët e Hamiltonit që ende bëjnë thirrje që vendimi të anulohej.

Lexo po ashtu Max Verstappen kurorëzohet kampion bote në Formula 1

Duke u shpallur fajtor Red Bulli për thyerjen e kufirit të shpenzimeve në vitin 2021, kjo çështje nuk ndihmoi në zgjidhjen e problemit, me skuadrën e Christian Horner që u gjobit përfundimisht.

Ndërsa pyetjet e vitit të kaluar ende nuk kishin përgjigje, Verstappen duhet të ketë qenë jashtëzakonisht i lumtur që viti 2022 shkoi shumë më mirë për të.

Piloti holandez fitoi titullin e tij të dytë radhazi, por këtë herë duke mposhtur nënkampionin Charles Leclerc me afro 150 pikë.

Gjëja më e afërt me polemika ishte në fund të sezonit, me një përplasje me Hamilton dhe një vendim për të mos lënë shokun e skuadrës Sergio Perez ta kalonte atë, por në përgjithësi ishte e thjeshtë.

Megjithatë, tani ish-piloti i F1, Vitaly Petrov, i cili garoi nga viti 2010 deri në 2012, ka pohuar se asnjë kampionat që nuk lejonte rusët të konkurronin nuk duhet të ishte i vlefshëm, që do të thotë se ai i Verstappen nuk do të ishte i vlefshëm.

“Pa Rusinë, nuk e konsideroj të vlefshëm një kampion të vetëm apo titull olimpik”, deklaroi ish-piloti i Renault për mediat ruse.

Lexo po ashtu Hamilton, Verstappen, Alonso, Vettel: Sa fitoi çdo pilot i Formula 1 për pikë në vitin 2022

“Ne duhet të ndalojmë së u frikësuari nga njerëzit tanë dhe ta kthejmë Rusinë në sportin botëror”.

“Për mua është e papranueshme. Nuk e kuptoj fare këtë absurditet të imponimit të disa opinioneve ndaj njerëzve. Mund ta përdorim situatën aktuale si një shtysë për zhvillimin e autosportit, duke i trajnuar të rinjtë për t’i udhëhequr më tej në të ardhmen”, ka vazhduar ai

Në vazhdën e pushtimit rus të Ukrainës vitin e kaluar, federatat duhej të vendosnin vetë se si do të silleshin me sportistët nga vendi. /Telegrafi/