Max Holloway është dërguar me urgjencë në spital, pasi pësoi një plagë të thellë gjatë trilogjisë ndaj Alexander Volkanovski.
Pas dy humbjeve me pikë, historia u përsërit sërish të dielën në mëngjes, pasi amerikani humbi përsëri me pikë ndaj rivalit të tij australian.
Volkanovski ishte në formën e tij më të mirë në duelin e tretë me një triumf me rezultat 50-45 nga të tre gjyqtarët.
(Foto: Getty/express.co.uk)
Në raundin e dytë, ai e shtoi intensitetin duke ia hapur një çarje të tmerrshme mbi syrin e majtë të amerikanit.
Holloway u gjakos tutje gjatë meçit, derisa plaga bëhej gjithnjë e më e gjerë duke ia penguar shikimin aq sa nuk ishte në gjendje që të rikthehej në luftë dhe kampioni vazhdoi rrugën drejt fitores.
(Foto: Getty/express.co.uk)
Menjëherë pas duelit, ish-kampioni i peshave shumë të lehta është transportuar në spital për trajtim të mëtejshëm.
Humbja ndaj Volkanovskit ndërpreu serinë prej dy fitoresh për të preferuarin e tifozëve – Holloway (ndaj Calvin Kattar dhe Yair Rodriguez), i cili ishte rikthyer në garën për titull. /Telegrafi/
(Foto: Getty/express.co.uk)
