Mauborn: Qytetarët duhet të tregojnë se janë të pranishëm dhe mund të bëjnë ndryshime

Serejn Mauborn, koordinatore speciale e OSBE-së, përgjegjëse për udhëheqjen e misionit mbikëqyrës afatshkurtër të OSBE-së për zgjedhjet presidenciale në shtet sot shfaqi shpresë se do të ketë 40 për qind dalje që të mundet, siç tha, të zgjedhet president ose presidente.

Pas vizitës në vendvotimin në SHMQSH “Josip Broz Tito” në Shkup, ajo shfaqi kënaqësi për ftesën e 150 evropianëve nga OSBE-ja, nënvizoi, për mbikëqyrjen edhe në rrethin e dytë të zgjedhjeve presidenciale.

“E gjithë këtë rrugë që u bë për hyrje në Evropë, ju e tejkaluat. Mendoj se kjo ditë është kyçe, që të mund të tregoheni para të gjithëve”, u përgjigj Mauborn, koordinatore speciale e OSBE-së, përgjegjëse për udhëheqjen e misionit afatshkurtër mbikëqyrës se cila është porosia deri te qytetarët në këtë ditë.

Potencon se është optimiste, por, theksoi se ata janë këtu vetëm që të mbikëqyrin.

“Qytetarët duhet të tregojnë se janë të pranishëm dhe mund të bëjnë ndryshime”, deklaroi Serejn Mauborn, koordinatore speciale e OSBE-së, përgjegjëse për udhëheqjen e misionit mbikëqyrës afatshkurtër të OSBE-së për zgjedhjet presidenciale në shtet.