Masazhi i gjinjve gjatë shtatzënisë është i rëndësishëm: këto janë katër përfitimet që ai jep

Rezultatet më të mira do t’i shihni kur të filloni të ushqeni beben me gji

Gjatë shtatzënisë, forma e trupit ndryshon, shtohet pesha trupore, si dhe rriten edhe gjinjtë. Gjithçka po përgatitet për ardhjen e një jete të re, por edhe për ushqyerjen e saj me gji.

Për t’u përgatitur sa më mirë, por edhe për të parandaluar formimin e strijave, bëni masazhe të rregullta.

Kur masazhoni gjinjtë gjatë shtatzënisë, mbani në mend se ato do të lëshohet gjatë kësaj periudhe, ndaj është e rëndësishme t’i masazhoni në drejtim lart dhe mos i tërhiqni kurrë lart gjatë masazhit.

1. Strijat

Me shtimin në peshë, rriten edhe muskujt e gjinjve, kështu që është e mundur që lëkura në këtë zonë të zgjerohet dhe të formohen strija. Përdorimi i disa vajrave bimore të trupit, si bajame ose ulliri, dhe masazhi i gjoksit gjatë shtatzënisë do të parandalojë shfaqjen e strijave, ose të paktën do t’i lehtësojë ato.

2. Lehtësim i dhimbjes

Gjatë shtatzënisë, gjëndrat tuaja të qumështit fillojnë të funksionojnë. Kjo është një nga arsyet pse gjoksi juaj zgjerohet. Kjo shkakton dhimbje gjoksi. Një masazh relaksues i gjoksit mund t’ju ndihmojë të hiqni qafe dhimbjen dhe shqetësimet.

3. Kruarje

Nuk është e pazakontë që gjatë shtatzënisë të shfaqen skuqje dhe kruajtje të gjinjve. Pra, duke i bërë masazh gjinjve gjatë shtatzënisë, ju parandaloni ndjenjën e kruajtjes.

4. Thithat e zgjeruara

Thithat tuaja do të rriten natyrshëm ndërsa gjoksi juaj rritet. Megjithatë, ndonjëherë masazhi ndihmon në rritjen e tyre. Thithat më të mëdha do t’ju ndihmojnë gjidhënien. /Telegrafi/