Marotta konfirmon se Eriksen gjendet në listën e largimeve

Drejtori i Interit, Beppe Marotta konfirmon që Christian Eriksen është në listën e lojtarëve që mund të largohen në janar dhe danezi mund të ketë luajtur ndoshta ndeshjen e tij të fundit me Nerazurrët.

Emri i Eriksenit ka qenë shumë i përfolur kohëve të fundit pasi nuk po luan në skemat e trajnerit Antonio Conte, ndërsa tashmë ka ardhur konfirmimi se lojtari mund të largohet nga Interi.

“Ne do të takohemi me trajnerin, por jo në një mënyrë të frikshme, është një takim normal sepse jemi në fund të gjysmës së parë të sezonit, në fillim të afatit kalimtar dhe do të jetë një takim i përzemërt për të hartuar një strategji të përbashkët”, ka thënë fillimisht Marotta për Sky Sport Italia.

Lexo po ashtu PSG, Bayern Munich dhe Arsenal në ‘luftë’ për Eriksenin, tri skuadrat janë gati edhe për shkëmbim lojtarësh

“Kam lexuar shumë emra që nuk kanë asnjë lidhje me ne. Do të ishte reduktuese t’i konfirmoni ose mohoni ato, është e drejtë që ju reporterët bëni punën tuaj, por ne jemi të sigurt që do të përmenden shumë emra gjatë javëve të ardhshme”.

“Ne kemi qenë shumë të qartë shumë herë që ka lojtarë në të ashtuquajturën “listën e transferueshme”, ata që duan të luajnë më rregullisht, dhe klubi është i gatshëm t’i bëjë ata të lumtur dhe të gjejë zëvendësime”.

Prandaj, a ka luajtur Eriksen tashmë ndeshjen e tij të fundit për Interin?

“Eriksen është në listën e transferueshme, Piero Ausilio e konfirmoi. Ai ka luftuar të vendoset në skuadër, ai nuk është funksional për skuadrën. Ky është vetëm një fakt objektiv”.

“Kjo nuk është ndonjë fyerje ndaj profesionalizmit të tij, nuk ka asnjë ndëshkim, është vetëm një situatë që është zhvilluar dhe është e drejtë që ai të shkojë atje ku mund të luajë më rregullisht”, përfundoi drejtori i Interit. /Telegrafi/