Marc Anthony bëhet me yll në “Hollywood Walk of Fame”

“Walk of Fame në Hollywood” ka zyrtarisht një tjetër yll legjendar të shtuar – Marc Anthony.

Të enjten, më 7 shtator, aktori dhe këngëtari mori pjesë në zbulimin, ku pati mbështetjen e bashkëshortes së tij, Nadia Ferreira.

Çifti u shfaqën të lumtur e të qeshur për ditën e madhe të Anthony.

Djemtë e tij, Ryan Adrian Muniz dhe Cristian Marcus Muniz, të cilin ai e ndan me Dayanara Torres, ishin gjithashtu të pranishëm.

Lexo po ashtu Marc Anthony bëhet baba për herë të shtatë

Sipas organizatorëve, artisti mori yllin me numër 2762 në 6284 Hollywood Blvd pranë këndit historik të Hollywood & Vine.

Jo vetëm që Anthony kishte mbështetjen e gruas së tij të bukur paraguaiane, por edhe mikut të tij të mirë, yllit të futbollit David Beckham.

Beckham, i cili madje mbajti një fjalim, theksoi: “Është vërtet e vështirë të mbash diçka nga Marc, por u mbajt sekret”.

“Mendoj se ai ishte i lumtur. Mendoj se ai u befasua. Shkoi mirë”, shtoi ai.

Anthony para tre muajsh u bë baba për herë të shtatë.

Ai ka vajzën Arianna Muniz nga një marrëdhënie në vitet 1990 me Debbie Rosado.

Gjatë asaj romance, këngëtari adoptoi edhe Alexin, djalin e madh të Debbie nga një lidhje e mëparshme, kështu që djali mban mbiemrin Muniz.

Më pas këngëtari u martua me Dayanara Torres – nga viti 2000 deri në 2004 – dhe patën dy djem.

Dhe në martesën e tij të dytë me superyllin Jennifer Lopez, ai pati binjakë Emme dhe Max. /Telegrafi/