Maqedonia merr pjesë në Asamblenë e përgjithshme të Organizatës për hekurudha evropiane

Nga dita e djeshme ka filluar Asambleja e përgjithshme e Organizatës së hekurudhave evropiane dhe kompanive infrastrukturore (CER), ku merr pjesë edhe Maqedonia.

Në asamble është nënshkruar Deklarata për përfshirje sociale, që i lidhë nënshkruesit e saj, institucionet kombëtare dhe organizatat, që t’i përfshijnë dhe t’u kushtojnë vëmendje të posaçme personave që përballen me vështirësi sociale në lidhje me stacionet hekurudhore dhe qasjen në to, përcjell Telegrafi Maqedoni.

Qëllimi është që të promovohet shkëmbimi i dijeve dhe praktikave më të mira ndërmjet nënshkruesve të deklaratës. Kjo deklaratë është nënshkruar për herë të parë më 2008, nga pesë kompani hekurudhore, ndërkaq Maqedonia përfaqësohet nga Irfan Asani, drejtor i ”Hekurudhat e Maqedonisë”.

Sipas njoftimit, Asani ka vleësuar se përvoja e pjesëmarrjes në këtë asamble është mjaft e rëndësishme për Maqedoninë. Ai ka relaizuar takime me drejtorë të më shumë kompanive hekurudhore, me të cilët është diskutuar për zhvillimin e mëtutjeshëm të hekurudhave në Maqedoni./Telegrafi/