Në Gjykatën administrative deri në ora 10 janë dorëzuar gjithsej 16 ankesa nga partitë politike për rrethin e dytë të zgjedhjeve lokale.
Nga 16 ankesat, 11 janë nga Aleanca për Shqiptarët, katër nga Lëvizja Besa dhe një nga Lëvizja popullore e Maqedonisë.
Gjykata administrative është e obliguar të sjellë vendim në lidhje me ankesat në afat prej 48 orësh nga pranimi i tyre.
Paraprakisht, KSHZ-ja në seancën e saj i hodhi poshtë të gjitha ankesat e dorëzuara nga partitë politike në lidhje me procesin e votimit në rrethin e dytë të zgjedhjeve lokale./Telegrafi/
