Mansory akordoi Ferrari Portofino: Karbon dhe më shumë fuqi

Akorduesi i diskutueshëm Mansory ka pasur shumë punë për të bërë në muajt e fundit dhe tani ka përgatitur një Ferrari të tretë të modifikuar.

Pasi versioneve të Mansory të modeleve Ferrari F8 Tributo dhe 812 GTS, ishte radha e Portofinos. Akorduesi gjerman është veçanërisht krenar për çatinë e palosshme, e cila është bërë tërësisht nga karboni i falsifikuar, një material shumë i lehtë.

Aksesorë të shumtë të trupit janë bërë gjithashtu nga i njëjti material dhe janë të dukshëm nga pothuajse çdo kënd. Këto përfshijnë spoilerin e përparmë, pasqyrat anësore, pragjet, shtyllat, dorezat e derës, një spoiler delikate në kapakun e bagazhit dhe një shpërndarës.

Karroceria është pikturuar me të verdhë dhe Mansoryt i janë dhënë rima speciale me përmasa 21 inç përpara dhe 22 inç mbrapa me skajet e verdha.

Brendësia është e veshur me lëkurë të zezë me detaje të verdha dekorative. Logoja e Ferrarit në timon është zëvendësuar nga Mansory dhe është e rrethuar nga karboni.

Akorduesi gjithashtu ka rritur fuqinë e motorit 3.9-litër V8 i cili fabrika zhvillon 591 kuaj/fuqi dhe 760 Nm çift rrotullues, ndërsa tani jep 710 kuaj/fuqi dhe 890 Nm çift rrotullues. Është instaluar gjithashtu një sistem i ri shter dhe vetura përshpejton nga 0 në 100 km/orë në tre sekonda. Shpejtësia maksimale është rritur në 334 km/orë. /Telegrafi/