Mane: Çfarë të them për Kloppin, është më i miri në botë

Sulmuesi i Liverpoolit, Sadio Mane nuk ka dyshime se menaxheri Jurgen Klopp është më i miri në botë.

Mane dhe Klopp kanë ndihmuar Reds të bëhen në një nga forcat kryesore në futbollin botëror, duke përfunduar dy herë nën kampion në Ligën Premier dhe duke fituar Ligën e Kampionëve.

Senegalezi beson se meritat për përparimin e tyre të konsiderueshëm duhet t’i shkojnë trajnerin gjerman.

Lexo po ashtu Pagat e dhjetë trajnerëve më të paguar në Ligën Premier - Mourinho bëhet i dyti pas emërimit te Tottenhami

“Unë do të luftoja të përshkruaj se sa i suksesshëm ka qenë ai për Liverpoolin”, ka thënë fillimisht Mane për faqen zyrtare të klubit.

“Të gjithë mund të shohin se çfarë ka bërë ai për këtë klub, për këtë qytet dhe cilësinë që ai ka si menaxher”.

“Ka shumë menaxherë të mirë në Evropë, por ajo që mund të them është se menaxheri ynë gjithmonë ka fjalët e duhura dhe gjërat e duhura për të menaxhuar ekipin e tij, veçanërisht duke ditur si të merret me ekipin e tij”.

“Gjithmonë do t’i besoja ndikimit të tij në ekip. Ai është një fitues dhe unë do të thosha që ai është më i miri në botë”, përfundoi sulmuesi. /Telegrafi/