Sport Futboll Ndërkombëtare

Manchester United si Juventusi – po merr të mirat dhe të këqijat e Ronaldos

Para 3 vitesh

Manchester United duket se po përjeton diçka të ngjashme me Juventusin pasi Cristiano Ronaldo i befasoi bashkëlojtarët e tij duke u kthyer në Portugali disa orë para derbit kundër Manchester Cityt dje.

Portugezi u la jashtë skuadrës së Djajve të Kuq dje (e diel), me Ralf Rangnick që pretendoi se ylli portugez kishte pësuar një lëndim të lehtë. Motra e sulmuesit Katia Aveiro e mohoi këtë në rrjetet sociale duke pëlqyer një postim në Instagram që pretendonte se Ronaldo ishte i gatshëm për lojën.

Cristiano ka shënuar 15 gola në 31 ndeshje në të gjitha garat këtë sezon, por kontributi i tij në gola është në kontrast me sjelljen e tij brenda dhe jashtë fushës. Kjo është diçka që Juventusi e ka përjetuar tashmë gjatë periudhës trevjeçare të sulmuesit në Torino.

Ronaldo shënoi 101 gola në 134 ndeshje, por nganjëherë akuzohej se tregonte një qëndrim të keq ndaj shokëve të tij. Në vitin 2019, ai u pushua për një ndeshje jashtë fushe kundër Lecce. Ai mbeti në Torino, duke shkuar për gjueti, ndërsa Juventusi barazoi 1-1.

Tifozët e Zonjës së Vjetër në atë kohë vunë në dyshim vendimin e Ronaldos për të qëndruar në shtëpi, duke pyetur nëse ai mund të kishte udhëtuar në jug për të ndihmuar skuadrën e tij të dilte nga bankina në një moment në pjesën e dytë.

https://twitter.com/PSGalu/status/1463933407172317190?ref_src=twsrc%5Etfw%7Ctwcamp%5Etweetembed%7Ctwterm%5E1463933407172317190%7Ctwgr%5E%7Ctwcon%5Es1_&ref_url=https%3A%2F%2Ffootball-italia.net%2Fman-united-like-juventus-experience-pros-and-cons-of-having-ronaldo%2F

Marrëdhënia e tij e tensionuar me Maurizio Sarrin nuk ndihmoi. 37-vjeçari një herë u largua nga Allianz Stadium para përfundimit të një përballje në Serie A kundër Milanit, pasi u zëvendësua nga Paulo Dybala, i cili përfundimisht shënoi golin e fitores kundër kuqezinjve.

Lojtarët e Juventusit ishin të pakënaqur me trajtimin që Ronaldo po merrte nga klubi, veçanërisht në vitin e tij të fundit në Torino. Seria “All or Nothing” shfaqi një debat në dhomën e zhveshjes mes yllit portugez, Juan Cuadrados dhe Leonardo Bonuccit në takimin Juventus – Porto një vit më parë.

Juventusit i munguan golat e Ronaldos në pjesën e parë të sezonit, por ngadalë ka rikuperuar unitetin dhe ADN-në e tyre. “Ne arritëm në finalen e Ligës së Kampionëve në vitin 2017, sepse ishim një skuadër plot përvojë, por mbi të gjitha, ishim një njësi e vetme dhe ishte kjo garë për vendet brenda grupit që ishte shumë e fortë. Ne e humbëm atë me Ronaldon”, kishte deklaruar legjenda e Juventusit, Gigi Buffon në dhjetor.

Muajin e kaluar, Massimiliano Allegri tha se lojtarët e Juventusit “kishin lënë mënjanë objektivat personale, duke u fokusuar te ekipi”. Manchester United tani po përjeton diçka të ngjashme. Ai po e ndihmon skuadrën e tij me gola, megjithëse qëndrimi i tij si një super yll ndonjëherë nuk është i dobishëm brenda dhomës së zhveshjes. /Telegrafi/