Manchester Unitedi ka gati ofertën e lartë për Pedro Neton

Klubi anglez, Manchester United po përgatit një lëvizje të befasishme për sulmuesin e Wolverhampton Wanderers, Pedro Neto.

Sipas mediumit britanik The Sun, Djajtë e Kuq po shikojnë mundësitë e një lëvizje gjatë verës për Neton, duke ofruar mbi 50 milionë funte apo 60 milionë euro.

Unitedi ka bërë që nënshkrimi i një sulmuesi anësor të djathtë të jetë një nga prioritetet e tyre kryesore dhe sezoni mbresëlënës i Netos, me gjithë përpjekjet e Wolves, e ka çuar atë në listën e ngushtë të drejtuesve të Old Trafford.

Lexo po ashtu Gafa e madhe e Lazios, pagoi tek ekipi i gabuar transferimet e Netos dhe Jordaos  

Djajtë e Kuq mund të kishin nënshkruar Neton, 21 vjeç, falas në vitin 2016 kur ai erdhi në Carrington në prova nga ekipi portugez Braga, por ai nuk bëri aq sa për t’i bindur ata që ta merrnin atë atëherë.

Por, tani Unitedi e konsideron përfaqësuesin e Portugalisë – si një alternativë e vërtetë për objektivat afatgjatë si Jack Grealish dhe Jadon Sancho.

Rivalët e Manchester Cityt gjithashtu kanë qenë të lidhur me Neton, por mediat këmbëngulin se ata tani janë përpara Unitedi në garën për kapitenin e Villas, Grealish. /Telegrafi/