Manchester United monitoron nga afër situatën e Lois Opendas

Manchester United me sa duket do të vendosë të bëjë një lëvizje për sulmuesin e RB Leipzig, Lois Openda në janar.

23-vjeçari shënoi ndaj Manchester Cityt këtë muaj në Ligën e Kampionëve, teksa ka shënuar katër gola të tjerë në 11 ndeshje të luajtura këtë sezon.

Mediat angleze pretendojnë se Erik ten Hag e ka futur në listën e dëshirave dhe synon transferimin e tij që në janar, para se rivalët tjerë të trokasin në derën e Leipzigut.

Lexo po ashtu Superkompjuteri parashikon tabelën përfundimtare të Ligës Premier, rezultat shokues për Man Utd, Chelsea dhe Tottenham

Megjithatë, Leipzig do të qëndrojë stoik në qëndrimin e tyre dhe thuhet se nuk do të lejojnë largimin e asnjë lojtari tjetër tjetër pas largimit të Christopher Nkunku te Chelsea, Josko Gvardiol te City dhe Dominik Szoboszlai te Liverpool këtë verë.

Në anën tjetër ka një çështje që po diskutohet në zyret e Manchester United në lidhje me fondet.

United shpenzoi më shumë se 170 milionë funte për transferime këtë verë dhe zyrtarët e klubit janë të shqetësuar për rregulloret e ‘Fair Play Financiar’.

Janarin e kaluar, United u desh që të transferoj lojtar në formë huazimi, me Wout Weghorst dhe Marcel Sabitzer që u bënë pjesë të klubit në huazim nga Burnley dhe Bayern Munich respektivisht.

Lexo po ashtu Duket se ka një fitues të qartë: Procesit të stërzgjatur të shitjes së Man United po i vije fundi

Në rast se bordi i “Djajve të Kuq” nuk arrin të gjejë sa më parë një zgjidhje, atëherë një marrëveshje për Openda mund të anulohet.

Në “Old Trafford” së fundmi u transferua danezi Rasmus Hojlund i cili deri më tash ka shënuar tre gola, që të gjithë në Ligën e Kampionëve dhe ende është në kërkim të golit në Ligën Premier./Telegrafi/